hanggang hindi nakatatanggap ng sulat ni Paciano.
Ika-29 ng Nobyembre, 1886
GINOONG JOSE RIZAL
MINAMAHAL KONG JOSE:
Ipinadadala ko sa iyong kalakip nito ang isang kasulatan
ng pagpapalitan ng kuwalta sa halagang tatlong daang piso,
na iyong sisingilin sa bangko sa Berlin; datapuwa't sinabi sa akin
ng bahay na nagpadala ng kasulatang iyan na masisingil mo
raw doon sa Leipzig, sa dahilang hindi raw maaaring hindi
magkaroon ng kaalam sa malaking bayang iyon. Ganito ang
ginawa ko upang huwag mabawasan nang malaki bilang kabayaran sa mga pagpapahiro, gaya ng inaakala kong nababatid
mo, na ang pagpapadala ng pera sa iba buhat sa isang pook
ay nababawasan ng halaga; isulat mo sa akin kung ang paraang
ito'y minamarapat mo, o kung aling paraan kaya ang lalong
matipid at madaling masingil, at siya kong gagawin sa panahong hinaharap, nang makarating sa iyo sa loob ng madaling
panahon, at kung maaari ay huwag nang magdaan pa o makaabala kay Ginoong Luna.
Ipinasasabi ni Paciano na huwag ka raw gagawa ng anumang kapasiyahan tungkol sa pag-uwi mo sa Pilipinas, hanggang hindi ka nakatatanggap ng sulat niya, bagay na hindi magtatagal. Sa halagang ipinadala sa iyo, ang sandaang piso ay para sa iyong buwanang pensiyon, at ang dalawang daan ay para sa gugol ng iyong akda at mga damit na pantaglamig.
Ang ina ni Hidalgo ay namatay noong ika-15 ng buwang kasalukuyan. Sina Nanay at Trining ay naparito sa Maynila
