ang mga gawi niya'y hindi pa nababago, ay ikinatatakot kong
lubha ang balat ng batang iyan; kay daming kurot ang tatanggapin niya sa kanyang ina. 12
Isinulat din sa akin, bagaman hindi ko natitiyak ang pagkatotoo ng balita, na si Jose raw, na anak ni Marianito, at si Angelica, ay namatay; 13 ito'y lubhang kahinainayang at dinaramdaman ko sa kaibuturan ng aking puso.
Ninanais kong ako'y inyong sagutin kahit maikli lamang, upang maiayon ko ang aking binabalak na gawin sa anumang ipasisiya ninyo.
Nalimutan kong idugtong na sa dahilang hindi ninyo
ipinadadala sa akin ang gugulin para sa tatlong buwan ng
Oktubre, Nobyembre at Disyembre, ay isang kaibigan ko ang
tumutulong sa akin sa buong panahong ito, hindi lamang upang makapagmatrikula, kundi upang makabayad sa bahay at
pagkain, sapagka't sa halagang 50 piso isang buwan hindi
makagagawa ang isang tao ng maraming himala sa Madrid.
Pasasalamatan ko kayo, samakatuwid, sakaling ako'y dapat umuwi, na ipadala ninyo sa akin ang halagang iyon upang maalpasan ko ang aking mga pagkakautang sa mabuting kaibigang
ito, at nang huwag siyang magkaroon ng anumang pagkakataong makapagsabi ng anuman. Sa ilang pagkakataon ay natulungan ko siya at ang mga ito'y tinatanaw niyang malaking
utang na loob, kaya umaagap tuwing ako'y kinakapos. Yamang sa Europa ay kinakailangang nakabihis sa buong mag
hapon sapul sa paggising hanggang matulog, yamang makakapal at sapin-saping mga damit ang kinakailangang isuot dahil sa ito ang hinihingi ng lamig, ay kinakailangang kami'y mag
patahi ng damit taun-taon at tuwing magbabago ang panahon.
Dito'y walang ginagawang anuman alang alang sa pagkaka
wanggawa o sa pagnanais na makatulong; kinakailangang bayaran ang lahat. May isang kuwento rito tungkol sa isang
ginoong nakatagpo ng isang hapung-hapong Galyego na hindi
makalakad ni makahakbang man lamang; ito'y kinahabagan
niya, at inanyayahang umangkas sa kanyang kabayo. Ang Galyego ay napahinuhod at pagkaraan ng ilang saglit ay sinabi
niya sa butihing ginoo: Señorito cuantu vuy gandudu.
_____________________
13 Tinutukoy ang ugali ni Olimpia sa lagi nang pangungurot.
14 Walang katotohanan ang sinasabing pagkamatay ni Jose, na anak ni Lucia, at ni Angelica na anak ni Narcisa.
