bilang 7-1 Sentro,
Madrid
Ika-11 ng Setyembre, 1883
MINAMAHAL KONG MGA MAGULANG:
Buhat sa aking kahuli-hulihang sulat nang ika-31 ng Agosto1 hangga ngayon ay kakaunti ang mga pangyayaring naganap
dito na karapat-dapat banggitin. Sapul noong ika-6 ng buwang ito, ay lumipat ako sa bahay na ito na ang mga palatandaan ay inilagay ko sa bungad nitong liham. Dito'y bumabayad ako ng 16 na sikapat isang araw, o kaya'y apat na peseta
walang ilaw na ako rin ang bumabayad. Gayunman, sapagka't hindi ako maginhawa sa tinitirhan kong ito ay binabalak
kong humanap ng iba at baka sa halaga ring ito'y makakita ako
ng ibang lalong mabuti ang kalagayan. Nag-uurung-sulong
akong humarap sa pagsusulit sa "Derecho Romano"2 upang makapagpatuloy ng karera ng pagkamanananggol na tumatagal dito
ng pitong taon, nguni't hindi ako humarap at kumuha na lamang ng pagsusulit sa panitikan o kasaysayan upang makapagtapos ng Pilosopiya at Letras,4 isang karerang hindi nakikilala
riyan, at tumatagal ng tatlong taon; bukod sa ito'y isang paghahanda sa pagpopropesor. Nabasa ko ang mga kalagim-lagim na pangyayari sa Haba, isang pulong napakalapit sa
ating bayan, na nakapagpangilabot sa amin: umaasa akong
makaririnig ng lalong maliliwanag na balita tungkol sa bagay
1 Sa palagay namin, ang sulat na itong binabanggit ay dili iba kundi
ang parang kaputol ng sulat blg. 19 sa "Sandaang Sulat ni Rizal sa kanyang
mga kaanak).
2 Walang katunayang nagpapakilala na si Rizal ay nag-aaral ng deretso sa Madrid. Ang binabanggit niyang araling "Derecho Romano" ay maaaring isang hiwalay na aklat na kanyang pinag-aaralan upang matalos niya noong siya'y nag-aaral ng "Filosofia y Letras".
3 Natapos ni Rizal ang pag-aaral ng "Filosofia y Letras" nang 1885,
kasabay ng mga pinag-aaralan niya sa pagdodoktor ng Medisina.
