lahat ng nakakilala sa kanya, lalo na ng kanyang angkan; at
gayon na lamang ang pagdaramdam na ito na, nang matalos ng
Ayuntamiyento ang kanyang pagkamatay ay dali-daling naghandog ng isang nito sa libingan ng mga mahal na tao sa Maynila, isang pagtatanging bihirang-bihirang gawin ng nasabing
korporasyon sa kaninuman. Sa kawalan ng naghahawak ng
tungkol sa Simbahan dahil sa paglagi sa Maynila ng Kura, ay
ipinasiya ng Bikariyo ng purok na tayo'y bigyan ng isang pansamantalang kura, na dili iba't ang koadhutor sa Binyang, na,
pabulong na sasabihin ko sa iyong ni hindi man lamang anino
ng namatay na Kura, sapagka't ikalawang araw pa lamang ng
pagkakatira sa kumbento ay walang puno't dulong nagsimula
na ng pagtuligsa sa mga tagarito sa kabila ng malabis na pagpuri
sa mga taga-Binyang; na nakaaalam na lalo ng mga bagaybagay sa bayan kaysa mga bagay-bagay ng Simbahan, kaya't
umalis dito, pagkatapos gawan ng mga kabulastugan ang mga
aklat ng simbahan; dito'y humalili si P. Domingo (na kilala
na natin) sa loob ng ilang linggo, at ngayo'y mayroon tayong
isang "economo" na inihalal ng Arsobispo, isang taong karapat-dapat itagubilin sa dahilang nag-aangkin ng mga katangian
ni P. Leoncio, na dili iba't ang di pakikialam sa mga bagay
na walang kinalaman sa Simbahan. Nang matalos ang pagkamatay nitong huli, ay kara-karakang naparito ang Bikariyong
si Prayle Villafranca upang kunin ang mga naiipong salapi ng
Simbahan, na natatala sa mga aklat, nguni't sa dahilang nataunang ang kahang lalagyan ng salapi ay nakapinid at ang susi ay nasa-Maynila, ay iniutos sa bisa ng susi ni San Pedro, na
paharapin sa kanya sa bahay-Hacienda ang ating ama, at doon
ay pinilit siyang magpaluwal sa halagang nakatago sa kaha,
at sa gayong pagpilit ay kinasangkapan ang pananakot na
ipagbibigay-alam sa Arsobispo ang mga lihim ng namatay, na
ikararamay, sa papaano mang paraan, ng isa nating kamaganak; dahil dito, ang ating ama'y napilitang magpaluwal ng
kanyang salaping ginto na papalitan pagkatapos sa atin ng salaping pilak pagkaraan ng tatlong linggo. Iyang takutin ang
isang matanda at hukayin ang mga lihim, na marahil ay siya
ang nagtataglay, ay isang kaasalang tunay na tunay na kamuhi-muhi at kahalay-halay. Nang mangyari ito'y wala pa naman ako sa ating bahay.
Kung paanong nagkaroon ng pagpapalit ng tauhan sa Simbahan, ay nagkaroon din ng pagpapalit ng tauhan sa kuwartel. Ang tanging kaibhan ay hindi nagkaroon sa pagpapalit ng tao
sa kuwartel ng maraming kasaysayang gaya ng sa simbahan,
